काठमाण्डु – गत बिहीबारयता देशका विभिन्न स्थानमा आएको अविरल वर्षाका कारण बाढीपहिरोमा परी ६ जनाको मृत्यु भएको छ ।
प्रहरीका अनुसार बाढीपहिरोमा परी बागमती प्रदेशमा २, लुम्बिनी प्रदेशमा २, गण्डकी प्रदेशमा १ र कर्णाली प्रदेशमा १ जनाको ज्यान गएको छ ।
विपद्मा २ जना घाइते भएका छन् । घाइतेहरूलाई स्थानीय अस्पतालमा उपचारका लागि लगिएको छ । ४०७ जनाको उद्धार गरिएको प्रहरीले जनाएको छ ।
प्रहरीले जोखिममा रहेका घरपरिवारलाई सुरक्षित स्थानमा सार्ने काम गरिरहेको छ । पहिरोमा पुरिएका धनमालको सुरक्षाका लागि स्थानीयसँग समन्वय भइरहेको छ ।
