अहिले बालुवाटारस्थित नेपाली कांग्रेसका पूर्वसभापति शेरबहादुर देउवाको निवासमा धमाधम मजदुर र हथौडा चलिरहेका छन्। जेन-जी आन्दोलनको उत्कर्षमा लागेको आगोले जीर्ण बनेको यो भवनलाई अन्ततः पूर्ण रूपमा भत्काउन सुरु गरिएको छ।
कुनै बेला सत्ता, शक्ति र राजनीतिको अभेद्य किल्ला मानिने यो घर अहिले इँटा र माटोको थुप्रोमा परिणत भइरहेको छ। यो केवल एउटा जलेको भौतिक संरचना भत्काइएको दृश्य मात्र होइन, नागरिक आक्रोशको ज्वालाले कसरी शक्तिशाली भनिएकाहरूको धरहरा पनि ढलाउन सक्छ भन्ने बलियो उदाहरण हो।
नयाँ पुस्ताको निर्मम हस्तक्षेपपछि बदलिएको नेपाली राजनीतिको यो सबैभन्दा ठूलो भौतिक साक्षी अब सधैंका लागि मेटिँदैछ। इतिहासले यो भग्नावशेषलाई र त्यो आन्दोलनलाई कसरी मूल्याङ्कन गर्ला, त्यो भने समयले नै बताउनेछ।
#Nmkhabar #GenZMovementNepal #SherBahadurDeuba #NepalPolitics #Baluwatar #NepalNews
