ऊर्जा, जलस्रोत तथा सिँचाइ मन्त्रालयले विद्युत नियमन आयोगको रिक्त अध्यक्ष र सदस्य पदका लागि आवेदन दिएका उम्मेदवारहरूको नामावली सार्वजनिक गरेको छ। मन्त्रालयले एक विज्ञप्ति जारी गर्दै आवेदन परेका व्यक्तिहरूको विवरण सार्वजनिक गरेको हो।
विद्युत नियमन आयोगको अध्यक्ष तथा सदस्य नियुक्ति सिफारिस समितिको २०८३ जेठ ६ को निर्णयअनुसार प्रकाशित सार्वजनिक सूचना बमोजिम आवेदन आह्वान गरिएको थियो। सोही सूचना अनुसार अध्यक्ष पदका लागि १० जना र सदस्य पदका लागि २२ जना गरी कुल ३२ जनाले आवेदन दिएका छन्।
