राष्ट्र बैङ्क ऐन तेस्रो संशोधन विधेयक प्रतिनिधिसभामा प्रस्तुत हुँदै

अर्थमन्त्री डा. स्वर्णिम वाग्लेले आजको प्रतिनिधिसभा बैठकमा नेपाल राष्ट्र बैङ्क ऐन तेस्रो संशोधन विधेयक प्रस्तुत गर्नेछन्। सभामुखले कार्यव्यवस्था परामर्श समितिमा सदस्यहरूको नाम मनोनयनको जानकारी गराएपछि बैठकमा राजस्व र व्ययको वार्षिक अनुमानमाथि छलफल प्रारम्भ हुनेछ। अर्थमन्त्री वाग्लेले आर्थिक वर्ष २०८३/०८४ को राजस्व र व्ययको वार्षिक अनुमानमाथि सामान्य छलफल प्रारम्भ गरियोस् भन्ने प्रस्ताव प्रस्तुत गर्नेछन्। छलफलका क्रममा उठेका प्रश्नहरूको जवाफ अर्थमन्त्री वाग्लेले दिनेछन्। तत्पश्चात् सभामा विनियोजन विधेयक र राष्ट्र ऋण उठाउने विधेयक पनि प्रस्तुत गरिनेछ।