सुदूरपश्चिम प्रदेश सरकारमा तीन मन्त्री र दुई राज्यमन्त्री थपिएका छन्। मुख्यमन्त्री कमलबहादुर शाहले सोमबार मन्त्रिपरिषद् पुनर्गठन गर्दै नयाँ सदस्य नियुक्त गरेका हुन्।
प्रदेश प्रमुख नजिर मियाँले नवनियुक्त मन्त्रीहरूलाई पद तथा गोपनीयताको शपथ ग्रहण गराएका छन्।
बेलबहादुर रानामगर सामाजिक विकासमन्त्री, विक्रमसिंह धामी आर्थिक मामिलामन्त्री र मानबहादुर रावल उद्योग, पर्यटन, वन तथा वातावरणमन्त्री बनेका छन्।
यस्तै, मधु भारती सामाजिक विकास राज्यमन्त्री र जुना दानी आर्थिक मामिला राज्यमन्त्री नियुक्त भएका छन्। मुख्यमन्त्री शाहले दुवै राज्यमन्त्रीलाई शपथ गराएका हुन्।
