काठमाडौँ । संघीय संसद्ले आगामी चैत २२ गते नयाँ सभामुख पाउने भएको छ। बुधबार सिंहदरबारस्थित संघीय संसद् सचिवालयमा बसेको सर्वदलीय बैठकले सभामुखको निर्वाचन आगामी चैत २२ गते गर्ने औपचारिक निर्णय गरेको हो।
बैठकमा संसद्मा प्रतिनिधित्व गर्ने प्रमुख राजनीतिक दलका सचेतक र प्रतिनिधिहरूको सहभागिता रहेको थियो। निर्वाचनको मिति तय भएसँगै संसद् सचिवालयले निर्वाचन कार्यतालिका प्रकाशनको तयारी थालेको छ। वर्तमान राजनीतिक समीकरणका बीच सभामुखको पदलाई शक्ति सन्तुलनको महत्वपूर्ण कडीका रूपमा हेरिएको छ।
