बेलका नगरपालिका–९ कमलाबारीबाट प्रहरीले लागूऔषध ब्राउन सुगरसहित दुई युवालाई पक्राउ गरेको छ। इलाका प्रहरी कार्यालय रामपुरठोक्सिलाको टोलीले उनीहरूलाई नियन्त्रणमा लिएको हो।
चतराबाट रामपुरतर्फ आउँदै गरेको बा ३० प ६००९ नम्बरको मोटरसाइकल जाँच गर्दा लागूऔषध फेला परेको थियो। पक्राउ पर्नेमा मोटरसाइकल चालक बेलका–४ का २७ वर्षीय सन्देश मगर र पछाडि सवार बेलका–३ का २५ वर्षीय पारस राई छन्।
उनीहरूको साथबाट २ ग्राम २०० मिलिग्राम ब्राउन सुगर बरामद भएको छ। पक्राउ परेका दुवै जनामाथि थप अनुसन्धान भइरहेको प्रहरीले जनाएको छ।
