बागलुङमा आफ्नै साथीको हत्या गरेको आरोपमा चार जना पक्राउ परेका छन्। प्रहरीले हत्याराहरूलाई आईफोनको लोभमा साथीको ज्यान लिएको आरोपमा पक्राउ गरेको हो।
पक्राउ पर्नेमा बडिगाड गाउँपालिका–१ का १९ वर्षीय सुदिप बिक, २० वर्षीय रेम बहादुर बिक र दुई जना नाबालक रहेको जिल्ला प्रहरी कार्यालय बागलुङले जनाएको छ। प्रहरीका अनुसार उनीहरूले बडिगाड गाउँपालिका–१ का १७ वर्षीय लजिन थापाको हत्या गरेका थिए।
थापा गत साउन २ गते रातिदेखि हराइरहेका थिए। उनको खोजी गर्ने क्रममा साउन ९ गते बिहान मनखोलामा शव फेला परेको थियो।
घटना कर्तव्य ज्यानसम्बन्धी कसुरमा अनुसन्धान भइरहेको प्रहरीले जनाएको छ।
