वैशाख महिनामा देशभर हातहतियारसम्बन्धी मुद्दामा ४० जना पक्राउ परेका छन्। प्रहरीले उनीहरुबाट २९ थान हतियार र गोली बरामद गरेको छ।
केन्द्रीय प्रहरी प्रवक्ता अविनारायण काफ्लेले दिएको जानकारीअनुसार काठमाडौं उपत्यकाबाट तीन, कोशीबाट एक, मधेसबाट एक, बागमतीबाट एक, गण्डकीबाट १४, लुम्बिनीबाट नौ, कर्णालीबाट आठ र सुदूरपश्चिमबाट तीन जना पक्राउ परेका हुन्। पक्राउ परेका सबैलाई शुक्रबार सार्वजनिक गरिएको छ।
प्रहरीले एक थान चाइनिज पेस्तोल, एक पेस्तोल, एक रिभल्वर, दुई कटुवा पेस्तोल, २१ भरुवा बन्दुक, एक बन्दुक र दुई एयरगन बरामद गरेको छ।
विज्ञापन
यस्तै, चाइनिज पेस्तोलको एक राउण्ड गोली, एसएलआरको २६३ राउण्ड गोली र विभिन्न बन्दुकमा लाग्ने ७० राउण्ड गोली पनि बरामद भएको छ।
प्रवक्ता काफ्लेले अवैध हातहतियार कारोबारी र प्रयोगकर्तालाई कानुनी दायरामा ल्याउन प्रहरी सक्रिय रहेको बताए।
