मुख्य सामग्रीमा जानुहोस्
Nmkhabar
EN
एनपीएल लाइभ स्कोर, अंक तालिका र तालिका अंक तालिका ›

अरुण तेस्रोको प्रगति निरीक्षणमा भारतका ऊर्जा सचिव

भारतका ऊर्जा सचिव पङ्कज अग्रवाल नेतृत्वको टोलीले सङ्खुवासभामा निर्माणाधीन ९०० मेगावाट क्षमताको अरुण तेस्रो जलविद्युत् आयोजनाको स्थलगत निरीक्षण गरेको छ। सचिव अग्रवालले आयोजनाको गुणस्तर, सुरक्षा र वातावरणीय दिगोपनलाई प्राथमिकता दिँदै निर्धारित समयसीमाभित्र सम्पन्न गर्न निर्देशन दिएका छन्।
Nmkhabar डेस्क
१ मिनेट पढाइ
आकार:
अरुण तेस्रो आयोजना
Share:
२०२

सङ्खुवासभा । ९०० मेगावाटको अरुण तेस्रो जलविद्युत् आयोजनाको भारतका ऊर्जा सचिव पङ्कज अग्रवालले स्थलगत निरीक्षण गरेका छन्। एसजेभीएन अरुण तेस्रो पावर डेभलपमेन्ट कम्पनीले निर्माण गरिरहेको आयोजनाको बिहीबार निरीक्षण गरिएको हो।

सचिव अग्रवाल नेतृत्वको टोलीले चिचिला गाउँपालिकाको पुखुवास्थित भूमिगत विद्युतगृह र मकालु गाउँपालिकाको फ्याक्सिन्दास्थित बाँध क्षेत्रको अवलोकन गर्‍यो। निरीक्षण टोलीले सिभिल, इलेक्ट्रो–मेकानिकल संरचना, बाँध, इन्टेक प्रणाली तथा अन्य पूर्वाधार निर्माणको प्रगतिबारे जानकारी लियो।

समीक्षात्मक बैठकमा सचिव अग्रवालले दुर्गम हिमाली क्षेत्रमा आयोजनाले हासिल गरेको प्रगतिप्रति प्रसन्नता व्यक्त गरे। उनले गुणस्तर, सुरक्षा मापदण्ड र वातावरणीय दिगोपनलाई प्राथमिकतामा राखी निर्धारित समयसीमाभित्र आयोजना सम्पन्न गर्न निर्देशन दिए।

विज्ञापन

भ्रमणमा नेपालका लागि भारतीय राजदूत नवीन श्रीवास्तव, केन्द्रीय विद्युत् प्राधिकरणका अध्यक्ष घनश्याम प्रसाद, ऊर्जा मन्त्रालयका अतिरिक्त सचिव दिवाकरनाथ मिश्र, सहसचिव पङ्कज कुमार, एसजेभीएनका निर्देशक राजेशकुमार चान्देल सहभागी थिए।

कम्पनीका प्रमुख कार्यकारी अधिकृत पङ्कज चौधरीले निर्माण प्याकेज, पुनर्स्थापना, सामुदायिक विकास र वातावरणीय व्यवस्थापनबारे टोलीलाई जानकारी गराए।

विज्ञापन
Nmkhabar डेस्क

Nmkhabar डेस्क

संवाददाता · Nmkhabar

Nmkhabar डेस्क Nmkhabar को सम्पादकीय डेस्क हो। यस नाममा प्रकाशित समाचार सरकारी निकाय, अदालत, संसद, नेपाल राष्ट्र बैंक तथा अन्तर्राष्ट्रिय संस्थाका आधिकारिक स्रोत र विश्वसनीय सूचनाका आधारमा तयार गरिन्छन्, र प्रकाशनअघि तथ्य तथा भाषाको सम्पादकीय जाँच गरिन्छ। हाम्रो सम्पादकीय र एआई प्रयोग नीति: https://nmkhabar.com/ai-policy/ । कुनै त्रुटि भेटिएमा info@nmkhabar.com मा जानकारी दिनुहोस्, हामी तुरुन्त सच्याउँछौँ।

थप समाचार