प्रधानमन्त्री बालेन्द्र शाहले निर्यातजन्य वस्तु उत्पादन गर्ने उद्योगीहरूसँग करिब दुई घण्टा छलफल गरेका छन्। उनले उद्योगीहरूको माग सम्बोधनका लागि सम्बन्धित निकायलाई तत्काल निर्देशन दिएका छन्।
प्रधानमन्त्रीले उद्योगीहरूको मागबमोजिम अमेरिकालाई कूटनीतिक नोट पठाउन परराष्ट्र मन्त्रालयलाई निर्देशन दिएका छन्। ‘क्वारेन्टिन सर्टिफिकेसन’ सेवा सातामा दुई दिन उपलब्ध गराउनसमेत उनले आदेश दिएका हुन्।
शुक्रबार भएको यो छलफल निजी क्षेत्रसँगको संवादलाई निरन्तरता दिने क्रममा भएको हो। यसमा नेपाल प्लाइउड उत्पादक संघ, नेपाल गलैंचा उत्पादक तथा निकासीकर्ता संघ, नेपाल पश्मिना उद्योग संघ र नेपाल डग च्यु उत्पादक संघका प्रतिनिधिहरूको सहभागिता थियो।
