बैंक वर्गीकरण पुँजीबाट कामको प्रकृतिमा: राष्ट्र बैंकको तयारी
काठमाडौं। नेपाल राष्ट्र बैंकले बैंक तथा वित्तीय संस्थाको वर्गीकरणको आधार परिवर्तन गर्ने तयारी थालेको छ। हाल पुँजीका आधारमा गरिने वर्गीकरणलाई परिमार्जन गरी अब संस्थाले गर्ने कामको प्रकृति हेरेर छुट्याइने भएको छ।
राष्ट्र बैंकका एक अधिकारीका अनुसार, विदेशी विनिमय सटही र जमानीजस्ता केही सेवाबाहेक अधिकांश बैंक तथा वित्तीय संस्थाको व्यावसायिक प्रकृति समान रहेको निष्कर्ष निकालिएको छ। यस कारण हालको वर्गीकरण व्यावहारिक नभएको ठहर गर्दै परिमार्जन गर्न लागिएको हो।
राष्ट्र बैंकले यस सम्बन्धी प्रस्तावमाथि छलफल अगाडि बढाएको छ।
