केन्द्रीय अनुसन्धान ब्यूरो (सीआईबी) ले बैंकिङ कसुरसहित १४ मुद्दामा फरार अभियुक्त राजु मिजारलाई पक्राउ गरेको छ। बूढानीलकण्ठ–५ निवासी ४७ वर्षीय मिजारविरुद्ध बैंकिङ कसुरका १२ र चेक अनादारका २ मुद्दा दर्ता छन्।
यी १४ मुद्दामा कुल २ करोड ५८ लाख ६२ हजार ७१६ रुपैयाँ बिगो कायम भएको छ। मिजारलाई ४३ लाख २३ हजार ५४३ रुपैयाँ जरिवाना, १ लाख ७२ हजार ९४१ रुपैयाँ क्षतिपूर्ति र ९० दिन कैद सजाय तोकिएको छ।
फैसला कार्यान्वयनका लागि मिजारलाई काठमाडौं जिल्ला अदालतमार्फत कारागार पठाइएको छ।
