रसुवाको भोटेकोशीमा भदौ १० गते आएको बाढीले ३४ देशका ५८७ विदेशी पर्यटक बेपत्ता पारेको छ। पर्यटन विभागका अनुसार हालसम्म ३०७ विदेशी पर्यटकको उद्धार भएको छ। सात जना सम्पर्कमा आएका छन्।
कैलाश मानसरोवर र जनैपूर्णिमा मेलाका लागि गोसाइँकुण्ड गएका पर्यटक बाढीमा परेको पर्यटन विभागका सूचना अधिकारी सुरज घिमिरेले बताए। बेपत्ता हुनेमा २५६ पुरुष, ३२९ महिला र दुई अन्य छन्।
सबैभन्दा बढी भारतका १८४ नागरिक बेपत्ता भएका छन्। अष्ट्रेलियाका ३३, क्यानडाका ३०, मलेसियाका ५५, युक्रेनका ५४, अमेरिकाका ६७, चीनका २६ र बेलायतका ३२ जना पर्यटक बेपत्ता भएको विभागले जनाएको छ।
बाढीमा परेर १८८ नेपाली पर्यटक पनि बेपत्ता भएका छन्। उनीहरूमध्ये १६१ पुरुष र २७ महिला छन्।
सरकारले स्थानीय प्रशासन र सुरक्षा निकायको सहयोगमा बेपत्ताको खोजी र उद्धार कार्यलाई तीव्रता दिएको छ।
