नक्कली भुटानी शरणार्थी प्रकरण: ओली-आरजुसहितलाई बयानका लागि झिकाउन माग
नक्कली भुटानी शरणार्थी प्रकरणमा केही उच्चपदस्थ राजनीतिक व्यक्तित्वलाई बयानका लागि झिकाउन माग गरिएको निवेदन जिल्ला अदालत काठमाडौंमा दर्ता भएको छ । कार्यालय समय सकिने बेला न्यायाधीशले निवेदन दर्ता गर्ने निर्णय गरेका हुन् ।
बहसका क्रममा जाहेरवालातर्फका वकिलहरूले एमाले अध्यक्ष केपी शर्मा ओली, उनका स्वकीय सचिव राजेश बज्राचार्य, अख्तियार प्रमुख प्रेम राई, एमाले वरिष्ठ उपाध्यक्ष रामबहादुर थापा ‘बादल’, उनकी पत्नी नैनकला थापा, पूर्वमेयर विद्यासुन्दर शाक्य, अजयक्रान्ति शाक्य तथा कांग्रेस नेतृ आरजु राणा र अन्य केही व्यक्तिलाई समेत प्रतिवादी बनाउनुपर्ने माग गरेका छन् ।
जाहेरवालाका वकिलहरूले केपी शर्मा ओली, आरजु राणा लगायतलाई प्रतिवादी बनाएर बयान गराउनुपर्ने माग अदालतसमक्ष राखेका छन् ।
यस निवेदनमाथि अदालतले अबको सुनुवाइमा आदेश जारी गर्नेछ ।
