काठमाडौं । नक्कली भुटानी शरणार्थी प्रकरणमा जिल्ला अदालत काठमाडौंले ३० जनाविरुद्ध कसुर ठहर गरेको छ। पूर्वउपप्रधानमन्त्री टोपबहादुर रायमाझी, पूर्वगृहमन्त्री बालकृष्ण खाँड, पूर्वगृहसचिव टेकनारायण पाण्डे लगायत प्रतिवादी छन्।
तेजबहादुर खड्काको इजलासले यो प्रकरणमा संलग्न ३० जना प्रतिवादीहरूलाई कसुरदार ठहर गरेको हो। उनीहरूलाई कस्तो सजाय हुने भन्ने विषयमा भने अदालतले निर्णय गर्न बाँकी छ।
यो प्रकरणमा सरकारी कर्मचारी, राजनीतिक व्यक्ति र विचौलियाहरूको संलग्नता रहेको आरोप छ। नक्कली कागजात बनाएर भुटानी शरणार्थीको सूचीमा नेपाली नागरिकलाई समावेश गरी अमेरिका पठाउने कार्यमा संलग्न रहेको अभियोगमा मुद्दा दायर गरिएको थियो।
