कोशी र मधेस प्रदेशका केही स्थानमा आज मेघगर्जन/चट्याङसहित मध्यम वर्षाको सम्भावना छ। जल तथा मौसम विभाग, मौसम पूर्वानुमान महाशाखाले यस्तो अनुमान गरेको छ। देशका हिमाली र पहाडी भेगमा सामान्य बदली रहनेछ। तराईका भूभागमा आंशिक बदलीको सम्भावना छ।
महाशाखाका अनुसार, कोशी, बागमती, गण्डकी र लुम्बिनी प्रदेशका केही स्थानमा वर्षा हुनेछ। मधेस प्रदेश, कर्णाली र सुदूरपश्चिम प्रदेशका हिमाली तथा पहाडी भेगका थोरै स्थानमा पनि पानी पर्नेछ। सुदूरपश्चिम प्रदेशको तराई भूभागका एकदुई स्थानमा मेघगर्जनसहित वर्षाको सम्भावना छ।
यसैगरी, लुम्बिनी र सुदूरपश्चिम प्रदेशका तराई भेगका थोरै स्थानमा आज तातो दिनको अनुभव हुनेछ।
आज राति देशभर सामान्य बदली रहनेछ। मधेस प्रदेश, कोशी, बागमती, गण्डकी र लुम्बिनी प्रदेशका पहाडी तथा तराई भेगका केही स्थानमा वर्षा हुनेछ। कर्णाली प्रदेशलगायत सबै प्रदेशका हिमाली भेगमा पनि पानी पर्नेछ। सुदूरपश्चिम प्रदेशका पहाडी भेगका थोरै स्थान र तराईका एकदुई स्थानमा मेघगर्जनसहित मध्यम वर्षाको सम्भावना छ।
