नेकपा एमालेका उपमहासचिव योगेश भट्टराईले पार्टी पुनर्गठन हुनेमा कार्यकर्तालाई ढुक्क रहन आग्रह गरेका छन्। पार्टीभित्र नेतृत्व हस्तान्तरणको बहस तीव्र भइरहेका बेला भट्टराईले सामाजिक सञ्जालमार्फत यस्तो दाबी गरेका हुन्। उनले पार्टी नफुट्ने र थप एकताबद्ध हुने बताएका छन्।
उनले लेखेका छन्, ‘छोक, ढुक्क रहनुहोस्, लोभ छैन, पाप छैन। पुनर्गठन हुनेछ, फुट्ने छैन, टुट्ने छैन। सबै मिल्ने छन्, थप एकताबद्ध हुनेछन्। सबैको सम्मान हुनेछ, मति सुध्रने छ, गति बढ्ने छ।’ भट्टराई पार्टी पुनर्गठनको पक्षमा वकालत गर्दै आएका छन्।
