धनुषाका सीमावर्ती तथा विभिन्न स्थानमा सञ्चालित विशेष निगरानी अभियानले रु १४ लाख बराबरको अवैध सामान बरामद गरेको छ। सशस्त्र प्रहरी उपरीक्षक भीम विष्टका अनुसार बरामद सामग्रीमा कपडा, किराना र दैनिक उपभोग्य वस्तु छन्।
भारतबाट भन्सार छली गरी नेपाल भित्र्याइएको आशंकामा सशस्त्र प्रहरीले ती सामान नियन्त्रणमा लिएको हो। संयुक्त टोलीले विभिन्न स्थानमा छापा मार्दा अवैध सामग्री फेला परेको थियो।
बरामद गरिएका सामान आवश्यक कारबाही र राजस्व अनुसन्धानका लागि सम्बन्धित भन्सार कार्यालयमा बुझाइने विष्टले जानकारी दिए।
