दोलखाको गौरीशंकर गाउँपालिका–९ मूलखर्कमा पहिरोले ७५ वर्षीय चसमान तामाङलाई बगाएको छ। अविरल वर्षासँगै आएको पहिरोले उनको घरसमेत पुरेको छ।
पहिरोमा फसेका नजिकैको जलविद्युत् आयोजनाका चार जना कर्मचारीलाई भने उद्धार टोलीले सकुशल निकालेको छ। उद्धार गरिएका कर्मचारीलाई सुरक्षित स्थानमा सारिएको छ।
बेपत्ता तामाङको खोजी कार्य जारी छ। सुरक्षाकर्मी र स्थानीयको टोलीले पहिरोस्थलमा खोजी गरिरहेको छ।
