निर्वाचन आयोगले आज राजनीतिक दलहरूसँग निर्वाचन कानुन संशोधन र एकीकरणको विधेयक मस्यौदामा छलफल गर्दैछ।
कार्यवाहक प्रमुख निर्वाचन आयुक्त रामप्रसाद भण्डारीका अनुसार छलफल बिहान साढे ११ बजे सुरु हुनेछ। शिलापत्रले भने दिउँसो साढे १२ बजे छलफल हुने उल्लेख गरेको छ।
आयोग स्रोतका अनुसार सातवटा ऐनलाई एकीकृत गरी २०८० असार १८ गते विधेयकको मस्यौदा सरकारलाई पठाइएको थियो। उक्त विधेयक लामो समय गृह मन्त्रालयमा थन्कियो, जहाँ केही परिमार्जनको गृहकार्य भयो। तर, संसद् विघटनपछि गृह मन्त्रालयले विधेयक पुनः आयोगमा फर्कायो।
