खेलमा मिलेमतो, अनियमितता तथा ठगीसम्बन्धी कसुरमा अखिल नेपाल फुटबल संघ (एन्फा) का कोषाध्यक्ष रविन्द्र जोशी र लेखा अधिकृत सञ्जीव पाण्डे पक्राउ परेका छन्। केन्द्रीय अनुसन्धान ब्युरो (सीआईबी) ले राष्ट्रिय खेलकुद परिषद् र बसन्त रिजालको जाहेरीका आधारमा उनीहरूमाथि अनुसन्धान अघि बढाएको जनाएको छ। प्रहरीले ललितपुर जिल्ला अदालतबाट दुवै जनालाई चार दिन म्याद थप गरी अनुसन्धान जारी राखेको छ। सीआईबीले आइतबार साँझ विज्ञप्ति जारी गर्दै उनीहरूमाथि खेलमा मिलेमतो, अनियमितता र ठगी सम्बन्धी कसुरमा अनुसन्धान भइरहेको पुष्टि गरेको थियो। आइतबारै जिल्ला अदालत ललितपुरका न्यायाधीश भगवती शर्मा ढुंगानाको इजलासले जोशी र पाण्डेलाई थप ४ दिन हिरासतमा राखी अनुसन्धान गर्न प्रहरीलाई अनुमति दिएको थियो।
एन्फाका कोषाध्यक्ष र लेखा अधिकृत खेल मिलेमतो आरोपमा पक्राउ
एन्फाका कोषाध्यक्ष रविन्द्र जोशी र लेखा अधिकृत सञ्जीव पाण्डे खेलमा मिलेमतो, अनियमितता र ठगी आरोपमा पक्राउ परेका छन्। केन्द्रीय अनुसन्धान ब्युरो (सीआईबी) ले राष्ट्रिय खेलकुद परिषद्को जाहेरीमा अनुसन्धान थालेको छ। ललितपुर जिल्ला अदालतले दुवैलाई अनुसन्धानका लागि ४ दिनको म्याद थप गरेको छ।
आकार:
Arjun Basnet
खोजमूलक पत्रकार
अर्जुन बस्नेत NM खबरका खोजमूलक पत्रकार हुन्। भ्रष्टाचार, सम्पत्ति विवरण र सरकारी जवाफदेहिताका विषयमा उनले महत्त्वपूर्ण अनुसन्धानमूलक रिपोर्टहरू प्रकाशित गरेका छन्। त्रिभुवन विश्वविद्यालयबाट राजनीति शास्त्रमा स्नातकोत्तर गरेका उनले वित्तीय अपराध र सार्वजनिक संस्थानको दुरुपयोगसम्बन्धी रिपोर्टिङमा विशेष दक्षता हासिल गरेका छन्।
