जबरजस्ती करणी मुद्दामा १० वर्ष कैद सजाय तोकिएका फरार प्रतिवादी पर्साबाट पक्राउ परेका छन्। पर्साको छिपहरमाई गाउँपालिका वडा नं. ४ तुलसी बर्वाका ३५ वर्षीय राजवा भन्ने अखिलेश साह तेलीलाई प्रहरीले नियन्त्रणमा लिएको हो।
नामथर वतन परिवर्तन गरी फरार रहेका तेलीलाई २०७७/०७८ को जाहेरीका आधारमा जबरजस्ती करणी मुद्दामा १० वर्ष कैदको सजाय सुनाइएको थियो।
विशेष सूचना पाएको इलाका प्रहरी कार्यालय भिष्वा बञ्जारीको टोलीले भदौ २० गते तेलीलाई आफ्नै घरबाट पक्राउ गरेको हो।
प्रहरीले आवश्यक कारबाहीका लागि तेलीलाई पर्सा जिल्ला अदालतमा बुझाउने प्रक्रिया अगाडि बढाएको छ।
