काठमाडौंका पूर्व प्रमुख जिल्ला अधिकारी (सीडीओ) छवि रिजाल पक्राउ परेका छन्। काठमाडौं उपत्यका अपराध अनुसन्धान कार्यालयको टोलीले रिजाललाई आज मंगलबार बिहान सुविधानगरस्थित उनकै निवासबाट नियन्त्रणमा लिएको हो।

गत भदौ २३ र २४ गते नयाँ बानेश्वर क्षेत्रमा भएको ‘जेनजी’ (Gen-Z) आन्दोलनका क्रममा प्रदर्शनकारीमाथि अन्धाधुन्ध बल प्रयोग र गोली चलाउन आदेश दिएको अभियोगमा उनलाई पक्राउ गरिएको प्रहरी स्रोतले जनाएको छ। सो आन्दोलनमा किशोरहरूको ज्यान गएपछि सरकारले पूर्वन्यायाधीश गौरीबहादुर कार्कीको नेतृत्वमा उच्चस्तरीय जाँचबुझ आयोग गठन गरेको थियो।