जबरजस्ती करणी मुद्दामा २५ वर्ष कैद सजाय तोकिएका कैदी पुरुषोत्तम पहारीलाई प्रहरीले रुपन्देहीबाट पक्राउ गरेको छ। उनी सुन्धारास्थित कारागार कार्यालय जगन्नाथदेवलबाट फरार भएका थिए।
केन्द्रीय अनुसन्धान ब्युरो (सीआईबी) को टोलीले ललितपुरका २९ वर्षीय पहारीलाई रुपन्देहीको सिद्धार्थनगर नगरपालिका–९, बुद्धचोकबाट पक्राउ गरेको हो। पहारी २०७५ असोज १४ गतेदेखि कारागारमा थिए।
उनी २०८२ भदौ २४ गते जेनजी आन्दोलनका क्रममा कारागारबाट भागेका थिए। पक्राउ हुँदा उनी १७ वर्ष ७ महिना कैद भुक्तान गर्न बाँकी थियो।
रूपन्देहीमा लुकिछिपी बसिरहेको सूचनाको आधारमा सीआईबीले उनलाई २०८३ भदौ १३ गते पक्राउ गरेको हो। पक्राउ परेका पहारीलाई आवश्यक प्रक्रिया पूरा गरी कारागार कार्यालय रुपन्देहीमा बुझाइएको छ।
