आइतबार नेपाली बजारमा छापावाल सुनको मूल्य प्रतितोला १२ सय रुपैयाँले बढेर २ लाख ९३ हजार २ सय रुपैयाँ पुगेको छ। अघिल्लो दिन प्रतितोला २ लाख ९२ हजार रुपैयाँमा कारोबार भएको सुन आज बढेको हो। १० ग्राम छापावाल सुनको मूल्य २ लाख ५१ हजार ३ सय ७० रुपैयाँ निर्धारण गरिएको छ।
चाँदीको मूल्यमा पनि ५५ रुपैयाँको वृद्धि देखिएको छ। आइतबार चाँदी प्रतितोला ४ हजार ८९५ रुपैयाँमा कारोबार भइरहेको छ। अघिल्लो दिन चाँदीको मूल्य ४ हजार ८४० रुपैयाँ थियो। १० ग्राम चाँदीको मूल्य ४ हजार १९६.५० रुपैयाँ कायम भएको छ।
नेपाल सुनचाँदी व्यवसायी महासंघका अनुसार अन्तर्राष्ट्रिय बजारमा हुने उतारचढावका आधारमा सुनचाँदीको दैनिक कारोबार मूल्य तोकिँदै आएको छ।
