७९औँ विश्व स्वास्थ्य सभामा स्वास्थ्य मन्त्री मेहताले नेपालको स्वास्थ्य क्षेत्रका प्रगति र प्रतिबद्धता प्रस्तुत गरिन्।
सम्बोधनका क्रममा मन्त्री मेहताले नेपाल सशक्त, पर्याप्त वित्तीय स्रोतयुक्त तथा सदस्य राष्ट्रको आवश्यकता अनुसार उत्तरदायी विश्व स्वास्थ्य संगठनको पक्षमा दृढ रहेको बताइन्।
उनले प्राथमिक स्वास्थ्य सेवा विस्तार, उच्च खोप पहुँच र मातृ तथा शिशु स्वास्थ्य सुधारलाई प्रमुख उपलब्धिका रूपमा प्रकाश पारिन्।
आपत्कालीन स्वास्थ्य तयारी सुदृढीकरण तथा मानव पेपिलोमा भाइरसविरुद्धको खोप नियमित कार्यक्रममा समावेश गरिएकोबारे पनि उनले प्रकाश पारिन्।
