ज्यानसम्बन्धी कसुरमा इन्टरपोलबाट रेड नोटिस जारी भएका फरार प्रतिवादी अम्मरसिं नेपाली साउदी अरबबाट नेपाल आउने क्रममा पक्राउ परेका छन्।
तनहुँ ऋषिङ्ग गाउँपालिका-४ ठेगाना भएका नेपालीलाई त्रिभुवन अन्तर्राष्ट्रिय विमानस्थलबाट बुधबार राति पक्राउ गरिएको हो।
अनुसन्धानका क्रममा वारदातपछि फरार रहेका नेपालीविरुद्ध इन्टरपोल महासचिवालयले जेठ २४ गते रेड नोटिस जारी गरेको थियो। एनसीबी काठमाडौँको अनुरोधमा यो सूचना जारी भएको थियो।
उनलाई आवश्यक अनुसन्धानका लागि जिल्ला प्रहरी कार्यालय चितवन पठाइने नेपाल प्रहरी प्रधान कार्यालय इन्टरपोल शाखाले जनाएको छ।
