कर्णाली प्रदेशका मुख्यमन्त्री यामलाल कँडेलले पदबाट राजीनामा दिएका छन्। शनिबार प्रदेशसभा बैठकमा अविश्वासको प्रस्तावमाथिको छलफलका क्रममा उनले राजीनामा घोषणा गरेका हुन्।
कँडेलविरुद्ध नेपाली कांग्रेस र नेकपा (माओवादी केन्द्र) ले असार ३२ गते अविश्वासको प्रस्ताव दर्ता गराएका थिए। प्रस्तावमाथिको छलफलका क्रममा उनले धारणा राख्दै राजीनामाको घोषणा गरे।
कँडेल २०८० चैत २७ गते मुख्यमन्त्री नियुक्त भएका थिए। सुरुमा नेकपा (एमाले) को समर्थनमा सरकारको नेतृत्व गरेका उनी २०८१ साउनदेखि नेपाली कांग्रेससँगको गठबन्धनमा थिए।
उनले आफ्नो कार्यकालमा प्रदेशमा सुधारात्मक काम भएको दाबी गरे। गठन हुन लागेको नयाँ सरकारको स्थायित्वबारे भने उनले अहिले नै केही भन्न नसकिने बताए।
