काठमाडौँको सार्वजनिक स्थलमा मधेसी समुदाय लक्षित विद्वेषपूर्ण अभिव्यक्ति लेख्ने विशाल गुरुङ प्रहरी फन्दामा परेका छन्। उनले सामाजिक सद्भावमा खलल पुर्याउने कार्य गरेको प्रहरीको दाबी छ।
जिल्ला प्रहरी परिसर काठमाडौँ र प्रहरी वृत्त नयाँ बानेश्वरको टोलीले भदौ २० गते खोटाङको बाक्सिला घर भई हाल शङ्खमूल बस्ने ३५ वर्षीय गुरुङलाई पक्राउ गरेको हो।
गुरुङलाई शङ्खमूलबाट नियन्त्रणमा लिइएको थियो। उनीमाथि सार्वजनिक शान्ति खलल पार्न नहुने कसुरमा प्रहरी वृत्त नयाँ बानेश्वरमा राखी थप अनुसन्धान भइरहेको प्रहरीले जनाएको छ।
