कोहलपुरबाट १३ किलो ६४ ग्राम अफिम र १४८ ग्राम चरेससहित दुई जना पक्राउ परेका छन्। जिल्ला प्रहरी कार्यालय बाँकेका प्रहरी नायब उपरीक्षक प्रतीतसिंह राठौरले यो पुष्टि गरे।
लागूऔषध नियन्त्रण ब्युरो नेपालगन्ज र सुर्खेतको संयुक्त टोलीले विशेष सूचना पाएपछि कोहलपुर नगरपालिका–६ बाट उनीहरूलाई नियन्त्रणमा लिएको हो।
पक्राउ पर्नेमा रुकुमपूर्वका कर्णबहादुर बुढा र रुकुमपश्चिमका टोपजङ्ग छन्। थप अनुसन्धान जारी छ।
