कलंकी भूमि प्रशासन कार्यालयमा बिचौलिया नियन्त्रणका लागि सरकारले तोकेको बैजनी पोशाकको नियम सोमबार पूर्णतः बेवास्ता गरियो।
काठमाडौंको कलंकीस्थित भूमि प्रशासन कार्यालयमा सोमबार दिउँसो २ बजे कर्मचारी र सेवाग्राहीको बाक्लो भीड थियो। खाजा समय सकिनासाथ ओइरिएको भीडमा धेरैजसोको हातमा लालपूर्जा लगायत जग्गासम्बन्धी कागजात देखिन्थे।
ती कागजात बोक्ने व्यक्तिहरूसँग न परिचय पत्र थियो, न त सरकारले तोकेको ड्रेस कोड नै। घरजग्गा किनबेचमा बिचौलिया हावी भएको भन्दै उनीहरूलाई रोक्न सरकारले वैशाख दोस्रो साता मालपोत कार्यालयहरूमा लेखपढी व्यवसायीलाई बैजनी रंगको पोशाक लगाउन निर्देशन दिएको थियो।
कलंकी भूमि प्रशासन कार्यालयमा सोमबार बिचौलियालाई कुनै रोकतोक थिएन।
