मधेशमा सिँचाइमा करोडौँ खर्च, किसान आकाशे पानीको भरमा

मधेश प्रदेश सरकारले सिँचाइ विस्तारका नाममा करोडौँ रुपैयाँ खर्च गर्दा पनि प्रदेशका किसानहरू आकाशे पानीको भरमा खेती गर्न बाध्य छन्। प्रदेश सरकारले डिप बोरिङ, पावर ड्रिल ट्युबवेल र स्यालो ट्युबवेल जस्ता संरचना निर्माणमा ठूलो लगानी गरेको छ। तर, यीमध्ये धेरैजसो संरचनाहरू हालसम्म सञ्चालनमा आउन सकेका छैनन्। यसले सिँचाइका लागि गरिएको करोडौँको लगानी खेर गएको छ। किसानहरूको उत्पादनमा समेत यसको प्रत्यक्ष असर परेको छ। सिँचाइ सुविधा नहुँदा उनीहरू बर्सेनि अनिश्चित मनसुनी वर्षामा निर्भर रहनुपर्ने अवस्था छ। सरकारी लगानीको प्रभावकारी कार्यान्वयन नहुँदा कृषकहरूले वर्षौंदेखि भोग्दै आएको सिँचाइको समस्या ज्यूँका त्यूँ छ। यसले प्रदेशको कृषि उत्पादन र समग्र अर्थतन्त्रमा नकारात्मक प्रभाव पारिरहेको छ।