मधेश प्रदेशसभाको सातौं अधिवेशन जेठ १ गते शुक्रबार बिहान ११ बजेदेखि आह्वान गरिएको छ। प्रदेश प्रमुखको कार्यालयले सोमबार एक विज्ञप्ति जारी गर्दै अधिवेशन प्रारम्भ हुने जानकारी दिएको हो।
प्रदेश सरकारको मन्त्रिपरिषद् बैठकले अधिवेशन आह्वानका लागि प्रदेश प्रमुखलाई सिफारिस गरेको थियो। सोही सिफारिसका आधारमा प्रदेश प्रमुखले संविधानको धारा १८३ को उपधारा (१) अनुसार अधिवेशन आह्वान गरेका हुन्। प्रदेश प्रमुखका सचिव नारायणप्रसाद दाहालले यो जानकारी दिएका छन्।
