म्याग्दीको रघुगंगा गाउँपालिका–६ मुलपानीस्थित एकतारे खोलाले बगाउँदा ३५ वर्षीय भीमबहादुर घर्ती बेपत्ता भएका छन्। रघुगंगा–८ चौरखानीबाट किनेर ल्याएको भैँसीसहित खोला तर्ने क्रममा उनी बगेर बेपत्ता भएको जिल्ला प्रहरी कार्यालय म्याग्दीलाई स्रोतले पुष्टि गर्यो।
गाउँलेले खोलाले बगाएको सूचना दिएपछि सोमबार साँझदेखि प्रहरी र स्थानीयले घर्तीको खोजी कार्य सुरु गरेका थिए। हालसम्म उनको अवस्था पत्ता लाग्न सकेको छैन। जिल्ला प्रहरी कार्यालय म्याग्दीका प्रहरी निरीक्षक सागर तिमिल्सिनाले आज बिहानैदेखि पुनः खोजी कार्य सुरु गरिएको जानकारी दिए।
