देशभर मनसुनी वायुको प्रभाव कायम छ। जल तथा मौसम पूर्वानुमान महाशाखाका अनुसार हाल मनसुनको न्यून चापीय रेखा सरदर स्थानमा छ।
अहिले हिमाली तथा पहाडी भागमा सामान्य बदली छ। तराईमा आंशिक बदली छ। कोशी, बागमती, गण्डकी, कर्णाली र सुदूरपश्चिम प्रदेशका एकदुई स्थानमा हल्का वर्षा भइरहेको छ।
आज दिउँसो हिमाली तथा पहाडी भेगका केही स्थानमा मेघगर्जनसहित मध्यम वर्षा हुनेछ। बागमती, गण्डकी र लुम्बिनी प्रदेशका तराईका केही स्थानमा पनि चट्याङसहित मध्यम वर्षाको सम्भावना छ।
लुम्बिनी प्रदेशका पहाडी भाग तथा बागमती, गण्डकी र कर्णाली प्रदेशका हिमाली तथा पहाडी भू–भागका एकदुई स्थानमा भारी वर्षा हुन सक्नेछ।
आज राति देशभर सामान्य बदली रहनेछ। हिमाली तथा पहाडी भागका केही स्थानमा मेघगर्जनसहित मध्यम वर्षा हुनेछ। कोशी, बागमती, गण्डकी, लुम्बिनी र सुदूरपश्चिम प्रदेशका तराईका केही स्थानमा चट्याङसहित मध्यम वर्षाको सम्भावना छ।
