जेनजी आन्दोलनका क्रममा ललितपुरको नक्खु कारागारबाट फरार भएका कैदी सुनिल श्रेष्ठ सिन्धुपाल्चोकबाट पक्राउ परेका छन्। प्रहरीले दोलखाका ४४ वर्षीय श्रेष्ठलाई सिन्धुपाल्चोकको सुनकोशी गाउँपालिका–९ मुढेबाट पक्राउ गरेको हो।
काठमाडौं उपत्यका अपराध अनुसन्धान कार्यालयबाट खटिएको टोलीले उनलाई पक्राउ गरेको हो। श्रेष्ठलाई थप कारबाहीका लागि नक्खु कारागार चलान गरिने प्रहरी उपरीक्षक शरतकुमार थापा क्षेत्रीले जानकारी दिए।
श्रेष्ठ डाँका चोरी मुद्दामा पाँच वर्ष कैद सजाय भुक्तान गरिरहेका थिए। उनी जेनजी आन्दोलनका क्रममा कारागारबाट फरार भएका थिए।
