नवलपुरको कावासोतीमा २५ वर्षीय भाले गैँडालाई करेन्ट लगाएर मारेको आरोपमा एक जना पक्राउ परेका छन्।
डिभिजन वन कार्यालय नवलपुरले विज्ञप्ति जारी गर्दै गैँडा हत्यामा करेन्ट प्रयोग भएको जनाएको छ।
गैँडा मृत भेटिएको कावासोती–१ स्याउलीस्थित मकैबारीबाट २७ वटा जिआई तार बेरिएका बाँसका किला बरामद भए। साथै, १३ मिटर सिंगल फेज रिङसहितको तार पनि फेला परेको छ।
सोही आधारमा अनुसन्धान अघि बढाउँदै घटनामा संलग्न रहेको आशंकामा एक जना पक्राउ परेका हुन्।
गैँडाको मृत्युको विस्तृत विवरण पोस्टमार्टम रिपोर्टपछि मात्र खुल्ने कार्यालयले जनाएको छ।
