प्रहरीले देशका विभिन्न स्थानबाट लागुऔषधसहित २८ जनालाई पक्राउ गरेको छ। केन्द्रीय प्रहरी समाचारकक्षका अनुसार यो कारबाही नियमित गस्तीका क्रममा भएको हो।
पक्राउ परेकाबाट खैरो हेरोइन, गाँजा, नोर्फिन, डाइजेपाम, फेनारगन, ट्रामाडोल, स्पास्पेन र प्रेगाब्लिनलगायतका लागूऔषध बरामद गरिएको छ। यीमध्ये केही औषधि चिकित्सकको सिफारिसमा मात्र उपलब्ध हुन्छन्।
प्रहरीले काठमाडौँ, पर्सा, दाङ, सङ्खुवासभा, कैलाली, उदयपुर, ललितपुर, सुनसरी, धनगढी र मकवानपुरबाट शुक्रबार र आज यी व्यक्तिहरूलाई पक्राउ गरेको हो। पक्राउ परेका सबैमाथि सम्बन्धित जिल्ला प्रहरी कार्यालयबाट लागुऔषध कसुरमा अनुसन्धान भइरहेको छ।
