काठमाडौं। नेपाल राष्ट्र बैंकले बजार तरलता व्यवस्थापन गर्न ५६ दिनका लागि ३० अर्ब रुपैयाँ उठाउने भएको छ। केन्द्रीय बैंकले बैंक तथा वित्तीय संस्थाहरूसँग अनलाइन बोलकबोलमार्फत प्रस्ताव मागेको छ। बोलकबोल प्रक्रिया बुधबार अपराह्न ३ बजे सम्पन्न हुनेछ।
यसरी संकलन गरिएको रकमको साँवा र ब्याज आगामी साउन १३ गते भुक्तानी गरिनेछ। राष्ट्र बैंकले यसअघि निक्षेप संकलन उपकरणमार्फत करिब ७ खर्ब २३ अर्ब रुपैयाँ तरलता खिचेको थियो। उक्त रकम हाल परिपक्व हुन बाँकी छ।
