चालु आर्थिक वर्षमा नेपालीको प्रतिव्यक्ति आय १ हजार ५३५ अमेरिकी डलर पुग्ने सरकारको अनुमान छ। अर्थमन्त्री स्वर्णिम वाग्लेले प्रतिनिधिसभा बैठकमा आर्थिक सर्वेक्षण सार्वजनिक गर्दै यो आँकडा प्रस्तुत गरेका हुन्।
अर्थमन्त्री वाग्लेले चालु आवमा मुलुकको आर्थिक वृद्धिदर ३.८५ प्रतिशत रहने प्रक्षेपण पनि गरे। यस अवधिमा कुल ग्राहस्थ उत्पादन (जीडीपी) ६६ खर्ब रुपैयाँ पुग्ने अपेक्षा गरिएको छ।
