उद्योग, वाणिज्य तथा आपूर्ति मन्त्री गौरीकुमारी यादवले नेपाल आयल निगमको केन्द्रीय कार्यालयको निरीक्षण गरेकी छन्।
निरीक्षणका क्रममा मन्त्री यादवले निगमको वर्तमान इन्धन आपूर्ति अवस्था, भण्डारण क्षमता र सञ्चालन व्यवस्थापनबारे जानकारी लिइन्।
उनले उपभोक्तालाई सहज रूपमा इन्धन उपलब्ध गराउन र भण्डारण क्षमता विस्तारका योजनालाई प्राथमिकता दिन निर्देशन दिइन्।
विज्ञापन
सो अवसरमा मन्त्री यादवले निगमका उच्च पदाधिकारीहरूसँग छलफल गर्दै सेवा प्रवाहलाई थप प्रभावकारी र प्रविधिमैत्री बनाउनुपर्नेमा जोड दिइन्।
छलफलका क्रममा निगमका पदाधिकारीहरूले निगमको वर्तमान अवस्था, चुनौती र आगामी कार्ययोजनाबारे मन्त्रीलाई ब्रिफिङ गरेका थिए।
