रसुवागढी सडकखण्ड बाढीले अवरुद्ध भएपछि ओमोडा र जेइकुका गाडी मुस्ताङको कोरला नाकाबाट नेपाल भित्र्याइएका छन्। एसपीजी अटोमोबाइल्स प्रा.लि.ले वैकल्पिक मार्ग प्रयोग गरी गाडीहरू देशभर वितरण सुरु गरेको छ।
ग्राहकलाई समयमै गाडी बुझाउन वैकल्पिक मार्ग अपनाइएको हो। हालै सम्पन्न ‘नाइमा मोबिलिटी एक्स्पो’ र ‘नाडा अटो शो २०२६’ मा यी गाडीको बुकिङ उल्लेख्य थियो। सोही बुकिङ अनुसार देशभरका डिलरमा गाडी पठाइएको छ।
‘ओमोडा ई फाइभ’ र ‘ई फाइभ प्रो’ मा १९१ एमएम ग्राउन्ड क्लियरेन्स, इलेक्ट्रिक सनरुफ, लेभल २.५ एडास, भेन्टिलेटेड, हिटेड तथा मसाज सिटजस्ता सुविधा छन्।
‘जेइकु जे फाइभ’ र ‘जे फाइभ प्रो’ मा १८५ एमएम ग्राउन्ड क्लियरेन्स, पानोरामिक मुनरुफ, ४८० लिटर बुट स्पेस र १५.६ इन्चको सेन्ट्रल टचस्क्रिन छ।
‘जेइकु जे सिक्स टी’ मा २२५ एमएम ग्राउन्ड क्लियरेन्स, पानोरामिक सनरुफ, ६५.६९ किलोवाट आवर ब्याट्री, १३५ किलोवाट मोटर र ४३१ किलोमिटरसम्मको रेन्ज छ।
गाडीहरू डिलरशिपमा पुगिसकेकाले बुकिङ गरेका ग्राहकले तत्काल गाडी पाउनेछन्। नयाँ ग्राहकले शोरुममा पुगेर टेस्ट ड्राइभ र बुकिङ गर्न सक्ने एसपीजी अटोमोबाइल्सले जनाएको छ।
