सिंहदरबारमा आज अपराह्न १ बजे बस्ने प्रतिनिधिसभा बैठकमा सभामुख देवप्रसाद अर्यालले भोटेकोशी बाढीबाट भएको क्षतिको विषयमा विशेष प्रस्ताव प्रस्तुत गर्नेछन्। सङ्घीय संसद् सचिवालयले सार्वजनिक गरेको कार्यसूचीमा सो उल्लेख छ।
गत भदौ १० गते भोटेकोशी–त्रिशूली नदीमा आएको बाढीले रसुवा, नुवाकोट, धादिङ, चितवन र गोरखा जिल्लामा ठूलो जनधनको क्षति पुर्याएको थियो। उक्त विपद्मा ज्यान गुमाएका र बेपत्ता भएका नागरिकप्रति बैठकमा शोक प्रस्ताव गरिनेछ। घरबारविहीन भएकाहरूको व्यवस्थापन र घाइतेको शीघ्र स्वास्थ्य लाभको कामना पनि प्रस्तावमा समेटिनेछ।
यसैगरी, आजै दुई समितिको बैठक बस्दैछ। बिहान ९ः३० बजे अन्तर्राष्ट्रिय सम्बन्ध र पर्यटन समितिले रसुवा बाढीको पर्यटन क्षेत्रमा परेको प्रभावबारे छलफल गर्नेछ।
अपराह्न १२ः१५ बजे विधायन व्यवस्थापन समितिमा ‘नेपाल विशेष सेवा ऐन, २०४२ को साबिकको व्यवस्था जगाउनेसम्बन्धी विधेयक, २०८३’ माथि दफावार छलफल हुनेछ।
