राष्ट्रिय स्वतन्त्र पार्टी (रास्वपा)का सभापति रवि लामिछाने संघीय संसद्को अवरोध खुलाउने विषयमा विपक्षी दलहरूसँग छलफलमा जुटेका छन्।
सिंहदरबारमा भइरहेको यस छलफलको मुख्य उद्देश्य संसद् अवरोधको गाँठो फुकाउनु रहेको छ।
प्रतिनिधिसभाको बैठक निर्धारित समय ११ बजे सुरु हुन सकेको छैन।
छलफलमा नेपाली कांग्रेसका दलका नेता भिष्मराज आङ्देम्बे, प्रमुख सचेतक वासना थापा, नेकपा एमालेका प्रमुख सचेतक ऐन महर, नेकपा (माओवादी केन्द्र)का प्रमुख सचेतक युवराज दुलाल र राष्ट्रिय प्रजातन्त्र पार्टी (राप्रपा)की खुश्वु ओली सहभागी छन्।
त्यस्तै, रास्वपाका प्रमुख सचेतक कबिन्द्र बुर्लाकोटी र सचेतक क्रान्तिशिखा धिताल पनि छलफलमा उपस्थित छन्।
