पश्चिम बंगाल विधानसभा निर्वाचनको मतगणना जारी छ। २९३ सिटमा भइरहेको मतगणनाको प्रारम्भिक नतिजाअनुसार भारतीय जनता पार्टी (भाजपा) ले अग्रता लिएको छ। तृणमूल कांग्रेस (टीएमसी) भाजपालाई पछ्याइरहेको छ।
एक सिटमा भने मे २१ मा पुनः मतदान हुने कार्यक्रम छ।
प्रारम्भिक रुझान
हालसम्मको प्रारम्भिक रुझानले भारतीय जनता पार्टी बहुमततर्फ उन्मुख भएको देखाएको छ। विभिन्न सञ्चारमाध्यमका अनुसार भाजपा कम्तीमा १५३ सिटमा अगाडि छ भने सत्तारुढ तृणमूल कांग्रेस १२० भन्दा बढी सिटमा अगाडि छ। कंग्रेस ४ सिटमा र अन्य दल १ सिटमा अगाडि देखिएका छन्।
- भाजपा: १५३ सिटमा अग्रता
- टीएमसी: १२२ सिटमा अग्रता
- कंग्रेस: ४ सिटमा अग्रता
- अन्य: १ सिटमा अग्रता
ममता बनर्जीको अग्रता
यसैबिच, तृणमूल कांग्रेसकी नेतृ तथा पश्चिम बंगालकी मुख्यमन्त्री ममता बनर्जी भवानीपुरबाट अगाडि बढेकी छन्।
भाजपाको दाबी
भाजपा नेता शुभेन्दु अधिकारीले पश्चिम बंगालमा भाजपाले सरकार बनाउने दाबी गरेका छन्।
