वीरगन्जको गण्डक क्षेत्रमा रहेको सौदागर पेट्रोल पम्पबाट हवाई इन्धन चोरी गर्ने सञ्चालकसहित सात जना पक्राउ परेका छन्। प्रहरीले बिहीबार साँझ ट्याङ्करबाट इन्धन चोरी भइरहेको विशेष सूचना पाएपछि कारबाही थालेको थियो।
जिल्ला प्रहरी कार्यालय पर्साका प्रवक्ता प्रहरी नायब उपरीक्षक चक्रबहादुर मल्लका अनुसार, ना ७ ख १५३९ नम्बरको ट्याङ्करबाट इन्धन चोरी भइरहेको अवस्थामा उनीहरूलाई रंगेहात पक्राउ गरिएको हो। करिब तीन घण्टा चलेको कारबाहीपछि उनीहरूलाई थप अनुसन्धानका लागि जिल्ला प्रहरी कार्यालयमा ल्याइएको छ।
पक्राउ परेका सात जनाको विस्तृत विवरण भने प्रहरीले सार्वजनिक गरेको छैन।
