पोखरा अन्तर्राष्ट्रिय विमानस्थल निर्माण गर्दा परामर्श सेवा खरिदमा भ्रष्टाचार गरेको अभियोगमा नेपाल नागरिक उड्डयन प्राधिकरण (क्यान) का तत्कालीन महानिर्देशक सञ्जिव गौतमलाई विशेष अदालतले पुर्पक्षका लागि थुनामा पठाउने आदेश दिएको छ। नारायणप्रसाद पौडेल, हेमन्त रावल र डिल्लीरत्न श्रेष्ठ सदस्य रहेको विशेष अदालतको इजलासले मंगलबार यो आदेश जारी गर्यो।
अख्तियार दुरुपयोग अनुसन्धान आयोगले गत चैत ८ गते गौतमसहित २१ व्यक्ति र २ कम्पनीविरुद्ध ४६ करोड १५ लाख ८४ हजार रुपैयाँ बिगो माग दाबी गर्दै मुद्दा दायर गरेको थियो। गौतमसँग ६ करोड रुपैयाँ बिगो मागिएको थियो।
प्रहरी हिरासतमा रहेका गौतमलाई विशेष अदालतले थुनामा पठाएको हो।
