रवि लामिछानेले भारतीय विदेशमन्त्री जयशंकरसँग भेटे
राष्ट्रिय स्वतन्त्र पार्टी (रास्वपा) का सभापति रवि लामिछानेले भारत भ्रमणका क्रममा भारतीय विदेशमन्त्री एस जयशंकरसँग भेटवार्ता गरेका छन्। सोमबार दिल्ली पुगेका लामिछानेले मंगलबार जयशंकरसँग भेट गरेका हुन्।
गृहमन्त्री अमित शाह र भाजपा अध्यक्ष नवीनसँग भेट
लामिछानेले भारतका गृहमन्त्री अमित शाहसँग पनि भेटवार्ता गर्ने कार्यक्रम छ। रास्वपा प्रवक्ता मनीष झाले शाहसँग भेट हुनेबारे जानकारी दिएका हुन्। यसैगरी, लामिछानेले भाजपाका अध्यक्ष नीतिन नवीनसँग पनि भेटे। भाजपा कार्यालयमा उनलाई साँस्कृतिक झाँकीसहित फूलमालाले स्वागत गरिएको थियो।
नेपाल–भारत सम्बन्धमा छलफल
भेटमा नेपाल–भारत सम्बन्ध, आपसी हित, लोकतान्त्रिक अभ्यास, सुरक्षा सहकार्य तथा दुई देशका राजनीतिक दलहरूबीचको संवाद र सहकार्यका विषयमा विचार विमर्श हुने बताइएको छ।
