राष्ट्रिय स्वतन्त्र पार्टी (रास्वपा) का सभापति रवि लामिछानेले भारत भ्रमणको तेस्रो दिन आज भारतीय प्रधानमन्त्री नरेन्द्र मोदीसँग भेटवार्ता गर्दैछन्।
यसअघि मंगलबार लामिछानेले भारतीय जनता पार्टी (भाजपा) का अध्यक्ष जेपी नड्डासँग भेटवार्ता गरेका थिए। भाजपाको कार्यालयमा भएको भेटमा राजनीतिमा युवा पुस्ताको भूमिका, लोकतान्त्रिक सहभागिता र भविष्यको नेतृत्वबारे छलफल भएको थियो।
भाजपाले लामिछानेलाई भव्य स्वागत गरेको थियो। पाँच दिने भ्रमणका लागि लामिछानेसहित उनकी श्रीमती निकिता पौडेल, सहमहामन्त्री विपिनकुमार आचार्य, सचिवालय सदस्य दीपक बोहोरा र अविनाश आचार्य (प्रदीप) सोमबार भारत पुगेका थिए।
लामिछाने जेठ २२ गते स्वदेश फर्कने कार्यक्रम छ।
